మున్సిపల్ కమిషనర్ వ్యవహారశైలిపై బీజేపీ నేత రాజేశ్వరరావు ఆగ్రహం..
ఆకాంక్ష న్యూస్ - పెద్దపల్లి జిల్లా / : పెద్దపల్లి పట్టణంలో ప్రభుత్వ వ్యవస్థపై కాంగ్రెస్ అధికారం బలపడుతున్నదా? మున్సిపల్ కమిషనర్ ప్రభుత్వ అధికారిగా పనిచేస్తున్నారా, లేక కాంగ్రెస్ పట్టణ అధ్యక్షుడిగా వ్యవహరిస్తున్నారా?—అనే ప్రశ్నలను బీజేపీ నేత తంగేడ రాజేశ్వరరావు బహిరంగంగా లేవనెత్తారు. పట్టణవ్యాప్తంగా ఈ నెల 8న పెద్దపల్లి ఎమ్మెల్యే విజయరమణారావు, ముఖ్యమంత్రి రేవంత్ రెడ్డి జన్మదినాల సందర్భంగా కాంగ్రెస్ కార్యకర్తలు ముందుగానే అనేక ఫ్లెక్సీలను ఏర్పాటు చేశారు. ఆ వేడుకలు ముగిసి రోజులు గడిచినా, ఇప్పటికీ ఆ ఫ్లెక్సీలను తొలగించకపోవడం పట్ల రాజేశ్వరరావు తీవ్ర అభ్యంతరం వ్యక్తం చేశారు. ఫ్లెక్సీలు ముఖ్యంగా జెండా చౌరస్తా వద్ద ఉన్న సీసీ కెమెరాల దృశ్యాలను అడ్డుకుంటున్నాయని, ఏదైనా అనుకోని సంఘటన జరిగితే సాక్ష్యాధారాలపై ప్రభావం పడే అవకాశం ఉందని ఆయన హెచ్చరించారు. ఈ నేపథ్యంలో పలుమార్లు మున్సిపల్ కమిషనర్‌కు ఫోన్ చేసినప్పటికీ “తొలగిస్తాం” అనే హామీ తప్ప పని జరగలేదని అన్నారు. ప్రతిపక్ష పార్టీలు లేదా ఇతర మతపరమైన వేడుకల సందర్భాలలో ఏర్పాటు చేసే ఫ్లెక్సీలను అధికారులే వెంటనే తొలగిస్తారని, కానీ కాంగ్రెస్ నాయకుల ఫ్లెక్సీల విషయంలో మున్సిపల్ కమిషనర్ నిష్క్రియగా వ్యవహరిస్తున్నారని రాజేశ్వరరావు విమర్శించారు. అవసరమైతే కాంగ్రెస్ పార్టీ కార్యాలయం మొత్తం ఫ్లెక్సీలతో నింపుకోవచ్చని, కమిషనర్ ఇంటి చుట్టూ కట్టుకున్నా తమకేం అభ్యంతరం లేదని—but ప్రజలకు ఇబ్బందికరంగా, సీసీ కెమెరాలకు అడ్డుగా ఉన్న ఫ్లెక్సీలను మాత్రం వెంటనే తొలగించాలని బీజేపీ పక్షాన డిమాండ్ చేస్తున్నట్లు స్పష్టం చేశారు. తక్షణం చర్యలు తీసుకుని ప్రజా భద్రతకు ముప్పు లేకుండా మున్సిపల్ అధికారులు వ్యవహరించాలని ఆయన కోరారు.
Admin
Aakanksha News
మరిన్ని వార్తలు
Developed By :
