యువ నాయకత్వానికి డివిజన్ ప్రజల సంపూర్ణ మద్దతు..
– 9వ డివిజన్లో బిఆర్ఎస్ అభ్యర్థి కొలుగురి సాయికుమార్ విస్తృత ప్రచారం..
ఆకాంక్ష న్యూస్ - తెలంగాణ / : రామగుండం కార్పొరేషన్ పరిధిలోని 9వ డివిజన్లో యువ నాయకత్వానికి అవకాశం ఇవ్వాలన్న పిలుపుతో బిఆర్ఎస్ పార్టీ కార్పొరేటర్ అభ్యర్థి కొలుగురి సాయికుమార్ (చింటూ) విస్తృతంగా ఎన్నికల ప్రచారం నిర్వహించారు. డివిజన్ అభివృద్ధికి ప్రజల సహకారంతో పూర్తిస్థాయిలో కృషి చేస్తానని ఆయన ఈ సందర్భంగా భరోసా ఇచ్చారు. విద్యావేత్తల భాగస్వామ్యంతోనే సమగ్ర అభివృద్ధి సాధ్యమవుతుందని పేర్కొంటూ, గాలి హామీలు ఇచ్చి ప్రజలను మోసం చేసే నాయకుల మాటలను నమ్మవద్దని ఆయన ప్రజలను కోరారు.ప్రచారంలో భాగంగా డివిజన్లోని పలు కాలనీలు, వీధులు, వాణిజ్య ప్రాంతాల్లో సాయికుమార్ పర్యటించారు. ప్రతి ఇంటికి వెళ్లి ప్రజల సమస్యలను అడిగి తెలుసుకుంటూ, వాటి పరిష్కారానికి స్పష్టమైన ప్రణాళికను వివరించారు. తాగునీరు, డ్రైనేజీ, రహదారులు, వీధిదీపాలు, పారిశుధ్యం, విద్యాఆరోగ్య సదుపాయాల మెరుగుదలే తన ప్రథమ లక్ష్యమని ఆయన వెల్లడించారు. యువతకు ఉపాధి అవకాశాలు కల్పించే దిశగా మున్సిపల్ స్థాయిలో చేయగల పనులపై ప్రత్యేక దృష్టి సారిస్తానని చెప్పారు.సాయికుమార్ ప్రచారానికి డివిజన్ ప్రజల నుంచి అనూహ్య స్పందన లభించింది. అడుగడుగునా ప్రజలు ఘన స్వాగతం పలుకుతూ, పూలమాలలు వేసి జననీరాజనాలు తెలుపుతూ తమ మద్దతును ప్రకటించారు. మహిళలు, యువకులు, వృద్ధులు స్వచ్ఛందంగా ప్రచారంలో పాల్గొని బిఆర్ఎస్ పార్టీకి, సాయికుమార్కు తమ సంపూర్ణ మద్దతు ఉందని వెల్లడించారు. పార్టీ జెండాలతో వీధులు కిటకిటలాడగా, “యువ నాయకుడికి అవకాశం ఇవ్వాలి” అన్న నినాదాలు మార్మోగాయి.ఈ సందర్భంగా సాయికుమార్ మాట్లాడుతూ, ప్రజల విశ్వాసమే తనకు పెద్ద బలం అని అన్నారు. గతంలో డివిజన్ ఎదుర్కొన్న సమస్యలను గుర్తు చేస్తూ, వాటిని పరిష్కరించడంలో నిర్లక్ష్యం చేసిన వారిని ప్రజలు గుర్తుంచుకోవాలని పేర్కొన్నారు. అభివృద్ధి పేరుతో మాటలకే పరిమితమైన నాయకత్వం కాకుండా, పనితో మాట్లాడే నాయకత్వం అవసరమని స్పష్టం చేశారు. డివిజన్ను ఆదర్శంగా తీర్చిదిద్దేందుకు అందరి సహకారం అవసరమని కోరారు.ప్రచారంలో బిఆర్ఎస్ పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు. ఇంటింటి ప్రచారం, చిన్న సమావేశాలు, రోడ్షోలు నిర్వహిస్తూ ప్రజలతో నేరుగా మమేకమవుతూ ముందుకు సాగుతున్నారు. ప్రజాస్వామ్యంలో ఓటే ఆయుధమని, అభివృద్ధిని కోరుకునే వారు సరైన అభ్యర్థిని ఎన్నుకోవాలని సాయికుమార్ విజ్ఞప్తి చేశారు. డివిజన్ భవిష్యత్తు యువత చేతుల్లోనే ఉందని, ఆ భవిష్యత్తుకు బలమైన పునాది వేయడమే తన లక్ష్యమని ఆయన పేర్కొన్నారు.
Admin
Aakanksha News
మరిన్ని వార్తలు
Developed By :
